14 Oktyabr 2024 | 296HRClub.az

AZƏRBAYCAN RESPUBLİKASI MALİYYƏ NAZİRLİYİNİN KOLLEGIYASI

QƏRAR

№ 3-23/3-9-12/2024

Bakı şəhəri, 27 sentyabr 2024-cü il

“İşçilərin Ezamiyyə Qaydaları”nın təsdiq edilməsi haqqında” Azərbaycan Respublikası Maliyyə Nazirliyinin 2012-ci il 18 yanvar tarixli Q-01 nömrəli Qərarında dəyişiklik edilməsi barədə

Azərbaycan Respublikası Prezidentinin 2009-cu il 9 fevral tarixli 48 nömrəli Fərmanı ilə təsdiq edilmiş “Azərbaycan Respublikasının Maliyyə Nazirliyi haqqında Əsasnamə”nin 7.11-ci bəndini və 21-ci hissəsini rəhbər tutaraq, “Ezamiyyə xərclərinin normaları haqqında” Azərbaycan Respublikası Nazirlər Kabinetinin 2008-ci il 25 yanvar tarixli 14 nömrəli Qərarına dəyişiklik edilməsi barədə” Azərbaycan Respublikası Nazirlər Kabinetinin 2024-cü il 4 aprel tarixli 200 nömrəli Qərarının 2-ci hissəsinin icrasını təmin etmək və Azərbaycan Respublikası Maliyyə Nazirliyinin 2012-ci il 18 yanvar tarixli Q-01 nömrəli Qərarı ilə təsdiq edilmiş “İşçilərin Ezamiyyə Qaydaları”nı təkmilləşdirmək məqsədilə Azərbaycan Respublikası Maliyyə Nazirliyinin Kollegiyası qərara alır:

• “İşçilərin Ezamiyyə Qaydaları”nın təsdiq edilməsi haqqında” Azərbaycan Respublikası Maliyyə Nazirliyinin 2012-ci il 18 yanvar tarixli Q-01 nömrəli Qərarında aşağıdakı dəyişikliklər edilsin:
  • 4-cü hissə ləğv edilsin.
  • I hissə üzrə:
    • 1-ci bəndin üçüncü abzasında “daşıyan, növbə (vaxta) metodu ilə işləyən və” sözləri “daşıyan və ya növbə (vaxta) metodu ilə işləyən, yaxud” sözləri ilə əvəz edilsin.
    • 2-ci bəndin ikinci abzasında “ödənilməsini” sözündən əvvəl “tam və ya qismən” sözləri əlavə edilsin.
    • 5-ci bəndin üçüncü abzası aşağıdakı redaksiyada verilsin: “Ezamiyyə xərclərinin 1 günlük normasına mehmanxana xərcləri və gündəlik xərclər daxildir.”
  • II hissə üzrə:
    • 2-ci bəndin üçüncü abzası aşağıdakı redaksiyada verilsin: “Azərbaycan Respublikasının ərazisində ezamiyyə xərclərinin müəyyən edilmiş 1 günlük normasının 70 faizini mehmanxana xərcləri, 25 faizini gündəlik yemək xərcləri, 5 faizini isə şəhərdaxili nəqliyyat xərcləri təşkil edir.”

Kollegiyanın sədri
Azərbaycan Respublikasının maliyyə naziri

Mənbə: https://e-qanun.az/framework/58126